Med hodet i Bergen?

Den store veggen er heilt dekt av eit kunstverk i sterke fargar som er måla på staden av kunstnaren sjølv. Dei to merkelege figurane, den eine ein sprellande figur, den andre eit digert hovud med ein liten kropp på slep, ser i kvar si retning. Høyrer dei eigentleg saman?

Bertil Greging (f. 1957) har sidan slutten av 1970-talet arbeidd med mange ulike teknikkar, som teikning, grafikk, måleri og collage.