«Telemegafon Dale»

På eit fjell over Dale i Sogn og Fjordane står Telemegafon Dale, ein lydskulptur som alle kan ringe til. Når det ringer, vert ei lampe øvst på skulpturen tend, og det ein seier, vert forsterka gjennom høgtalarane. Skulpturen er sjølvdrivande med eit batteri som blir lada av eit lite vindkraftverk. Telemegafonen er både ein lydskulptur og ei lenke til omverda – eit kommunikasjonsmonument i grenselandet mellom skulptur og telefoniteneste. Installasjonen er laga av Unsworn Industries, som dei svenske kunstnarane Erik Sandelin og Magnus Torstensson står bak.